Ըմբշամարտի Եվրոպայի առաջնությունում այսօր մեկնարկել են հունահռոմեական ոճի ըմբիշները։  Հայաստանի ներկայացուցիչներից առաջինը գորգ է մտել մինչև 98 կգ քաշային Արթուր Ալեքսանյանը: Նա մեկնարկային գոտեմարտում 4:0 հաշվով հաղթել է Լիտվան ներկայացնող Վիլիուս Լաուրինաիտիսին: Հայաստանը ներկայացնող Գևորգ Ղարիբյանը, Կարեն Ասլանյանն ու Վաչիկ Եղիազարյանը պայքարը կսկսեն 1/8 եզրափակչից, որտեղ համապատասխանաբար կմրցեն՝ Տալեհ Մամադովի (Ադրբեջան), Աթական Յուկսելի (Թուրքիա) եւ Նիկոլաոս Լեոնի (Հունաստան) հետ։