ՀՀԿ Գործադիր մարմնի անդամ Էդուարդ Շարմազանովը գրում է.
«Ինչո՞ւ են գլոբալիստները պայքարում ավանդական հասարակությունների ու պետությունների դեմ։
Պատճառները բազմաթիվ են։
Բայց դրանցից մեկն ակնհայտ է։
Գլոբալիստները չունեն կոնկրետ հայրենիք։
Ավելին. գլոբալիստների ճնշող մեծամասնությունն իրենց հայրենիքները թողել ու փախել են օվկիանոսից այն կողմ։
Իրենք լքել են իրենց հայրենիքը, չունեն հայրենիք ու ատում եմ մեզ՝ հայրենիք ունեցողներից։
Դա է նաև պատճառը, որ գլոբալիստները կատաղի կռիվ են մղում ազգային ու ավանդական հասարակությունների հետ՝ ՌԴ, Չինաստան, Իրան…
Հայաստանում էլ է պայքար ընթանում գլոբալիստ - կոսմոպոլիստների ու ազգային - ավանդական արժեքների կրողների միջև։
Բայց աշխարհը վաղուց արդեն միաբևեռ չէ։
Եթե ուզում ենք Հայաստան մնա, պետք է հակադրվել գլոբալիստ-կոսմոպոլիստներին ու դաշնակցել ավանդական արժեքներ դավանող՝ ՌԴ-ի, Իրանի ու Չինաստանի հետ։
Դեռևս 100 տարի առաջ Գ. Նժդեհն էր ասում. «Հայության գլխավոր թշնամին կոսմոպոլիտիզմն է»։
Հետաքրքիր կարող է լինել նաև Հնդկաստանի հետ կապերի զարգացումը, բայց դա շատ ավելի համակողմանի ու լուրջ ուսումնասիրություն է պահանջում։
Մի բան ակնհայտ է. Հնդկաստանը Հայաստանում ակտիվանում է։
Ոչինչ պատահական չէ, ոչ տասնյակ հազարներով հնդիկների գաղթը, ոչ էլ՝ հարուստ հնդկական հարսանիքը։
Ակնհայտ է, որ աշխարհաքաղաքական կենտրոնների դաբրոյով Հայաստանը դառնում է նաև Հնդկաստանի կենսական շահերի գոտի։
Մնում է վերլուծել ու հասկանալ, դա մեզ՝ ՀՀ-ին ձեռնտու է, թե՞՝ ոչ»։
