Ավստրիացի բժիշկ, դոցենտ, Լինց քաղաքի "Գթասիրտ քույրեր" հիվանդանոցի մանկական ուռոլոգիական ծառայության ղեկավար Յոզեֆ Օսվալդը Գյումրիում է: Ավստրիական "Մոր և մանկան" կենտրոնում կատարված հետազոտությունների արդյունքների հիման վրա բժիշկը կատարում է վիրահատություններ:

Ավստրիացի բժշկի կողմից իրականացվող վիրահատությունները այնպիսի բարդության են, որոնք մինչ այժմ չեն կատարվել հիվանդանոցում, սակայն ոչ թե սարքավորումների բացակայության, այլ համապատասխան մասնագետներ չունենալու պատճառով: Ավստրիական մոր և մանկան կենտրոնի տնօրեն Աշոտ Կուրղինյանն է վստահեցնում. նմանօրինակ մասնագետների այցը բուժհաստատություն նպաստում է տեղի մասնագետների վերապատրաստմանը և նոր գիտելիքների ձեռքբերմանը: