Արդեն տեղեկացրել ենք, որ շաբաթ, հուլիսի 13-ին, Երեւանի ավագանու «Լույս» խմբակցության անդամ Թեհմինա Վարդանյանի կողմից հրապարակվել էր տեսանյութ, որտեղ նշվում էր, որ ոստիկանությունն ապօրինություն է անում եւ փորձում է վտարել մարդկանց տնից:
Խնդրի մասին տեղեկատվություն է տարածել ոստիկանությունը՝ նշելով․ «Ոչ թե վտարում է, այլ ներխուժման վերացում»։
Երևանի նախկին ավագանու անդամ Սոնա Աղեկյանն էլ ֆեյսբուքյան ուղիղ միացման միջոցով ներկայացրել է Աղբյուր Սերոբի 11/2 հասցեի նախապատմությունը։
Ավելի վաղ նա ֆեյսբուքյան իր էջում գրել էր․ «Ոստիկանական մի քանի ջոկատներ` ՀՀ ԱԻՆ-ի հետ բացում են դուռը, բնակիչները խոստանում են ինքնահրկիզվել, այսօր վտարման վերջին օրն է։ Հիշեցնեմ, որ բնակարանի ներսում է գտնվում 20 օրական փոքրիկը և անչափահաս երեխաներ»։
