Առողջապահության նախարար Արսեն Թորոսյանը ֆեյսբուքյան իր էջում երեկ հարցում է տեղադրել առողջության համապարփակ պետական ապահովագրության համակարգի ներդրման մասին:
Նախարարը, մասնավորապես, գրել է.
«Ինչպե՞ս եք վերաբերվում Հայաստանում առողջության համապարփակ պետական ապահովագրության համակարգի ներդրմանը, որն աշխատող բնակչությունից կպահանջի որոշակի ամսական վճարումներ աշխատավարձի 3-5% չափով՝ ի հավելումն եկամտահարկի, կընդգրկի տարիքային բոլոր խմբերը և կներառի պոլիկլինիկական, շտապ և հիվանդանոցային բուժսպասարկման հիմնական ծավալը և անվճար դեղորայք` մի շարք հիվանդությունների տնային պայմաններում բուժման համար»։
