Վարչապետի աշխատակազմի հանրային կապերի և տեղեկատվության կենտրոն ՊՈԱԿ-ի հասցեին քննադատություններ են հնչում, թե իբր ՊՈԱԿ-ը ֆեյքերի մեծ բանակ ունի, որոնք սոցիալական ցանցերում իշխանությանը հաճո գրառումներով են հանդես գալիս և քննադատում- հայհոյում են ոչ իշխանամետ կարծիք ունեցողներին։
Խորհրդարանում լրագրողների հետ զրույցում ՊՈԱԿ-ի ղեկավար Հովհաննես Մովսիսյանը նշել է, որ կան շրջանակներ, որոնք փորձում են վարկաբեկել վարչապետի աշխատակազմի հանրային կապերի և տեղեկատվության կենտրոն ՊՈԱԿ-ը՝ այդ կերպ փորձելով իրենց շահին հասնել։
«Վստահեցնում եմ, որ նման գործառույթ հանրային կապերի և տեղեկատվության կենտրոն ՊՈԱԿ-ը չունի։ Ընդհանրապես կարծում եմ, որ ֆեյքերով հանրային կարծիք հնարավոր չէ ստեղծել։ Այս իշխանությունը ֆեյքերով հանրային կարծիք ստեղծելու կարիք չունի, որովհետև հանրային աջակցություն կա»,- նշել է Հովհաննես Մովսիսյանը։
Դիտեք նաև՝
