Առաջիկա շաբաթավերջին՝ ապրիլի 24-ից 26-ը, հնարավոր է ՄԱԿ-ի գլխավոր քարտուղար Բան Կի Մունի տարածաշրջանային այցը, որ վաղօրոք ծրագրված չի եղել:
ՀՀ ԱԳՆ մամուլի խոսնակ Տիգրան Բալայանն այս առիթով Asekose.am-ին նշեց, որ բարձրաստիճան պաշտոնյաների Հայաստան այցերի մասին Արտգործնախարարությունը տեղեկացնում է պատշաճ ժամկետներում:
Ըստ վստահելի դիվանագիտական աղբյուրների, ՄԱԿ-ի գլխավոր քարտուղարի այցը, հնարավոր է, որ չկայանա՝ կապված տարածաշրջանային զարգացումների հետ:
Նշենք, որ ապրիլի 3-ին ՄԱԿ-ի գլխավոր քարտուղար Բան Կի Մունը հայտարարել էր, որ չափազանց անհանգստացած է Լեռնային Ղարաբաղում ծանր զինտեխնիկայի կիրառման և մեծաթիվ զոհերի առնչությամբ:
Բան Կի Մունը հակամարտության հետ կապ ունեցող բոլոր կողմերին կոչ էր արել դադարեցնել ռազմական գործողություններն ու լիովին հետել հրադադարի պահպանմանն ու անհապաղ քայլեր ձեռնարկել իրավիճակի ապասրացման ուղղությամբ:
Հիշեցնենք նաև, որ անցյալ տարի ՄԱԿ-ի գլխավոր քարտուղարը Օսմանյան կայսրությունում 1,5 միլիոն հայերի տեղահանությունն ու կոտորածն ընդամենը «վայրագ գործողություններ» էր բնորոշել:
