ՌԴ ԱԳՆ պաշտոնական ներկայացուցիչ Մարիա Զախարովան արձագանքել է Հայաստանում ԵՄ դիտորդական առաքելության օպերատիվ կենտրոնների թվի ավելացման մասին տեղեկատվությանը։

«Առաքելության մեկնարկը, որի նպատակը հռչակվել է Բաքվի և Երևանի միջև հարաբերությունների կարգավորմանն աջակցելը, տեղի է ունեցել միակողմանի, ոչ կոնսենսուսային հիմունքներով, առանց ադրբեջանական կողմի և տարածաշրջանային այլ խաղացողների համաձայնության և առանց պատշաճ հաշվետվության։ Սա միայն հաստատում է տարածաշրջանում ԵՄ քաղաքականության իրական նախապատմությունը, որի համար ամենակարևորն է՝ Ռուսաստանին Անդրկովկասից դուրս մղել, Հարավային Կովկասը վերածել աշխարհաքաղաքական առճակատման ասպարեզի՝ ի վնաս այստեղ ապրող մարդկանց հիմնարար շահերի»,- ասել է Զախարովան ՌԴ ԱԳՆ կայքում հրապարակված մեկնաբանության մեջ։
Նրա կարծիքով, Բաքվում և Երևանում ԵՄ առաքելության հաշվետվության բացակայությունը ամրապնդում է կասկածները, որ Բրյուսելն ունի «թաքնված օրակարգ» տարածաշրջանում, ինչը հարցեր է առաջացնում ոչ միայն Մոսկվայում:

«Ավելին, նրանք չեն կարողանում ապահովել անվտանգությունն ու ռուսական միջնորդության վճռական դերով ձեռք բերված հրադադարի պայմանավորվածությունների կատարումը։ Ռուսական խաղաղապահ զորախմբի ներկայությունը մնում է տարածաշրջանում խաղաղության իրական երաշխիքը»։

«Իրավիճակի զարգացումը ևս մեկ անգամ ապացուցում է, որ հայ-ադրբեջանական հարաբերությունների կարգավորման և, ընդհանրապես, Անդրկովկասում իրավիճակի բարելավման ամենակայուն և երկարաժամկետ հիմքը Ռուսաստանի, Հայաստանի և Ադրբեջանի ղեկավարների եռակողմ պայմանավորվածությունների հետևողական իրականացումն է՝ թվագրված են 2020 թվականի նոյեմբերի 9-ին, հունվարի 11-ին, 2021 թվականի նոյեմբերի 26-ին և 2022 թվականի հոկտեմբերի 31-ին, այդ թվում՝ բոլոր տրանսպորտային և տնտեսական կապերի ապաշրջափակման, հայ-ադրբեջանական սահմանի սահմանագծման և սահմանազատման, Ադրբեջանի ու Հայաստանի միջև խաղաղության պայմանագրի պարամետրերի համաձայնեցման վերաբերյալ»,- հավելել է Զախարովան։