«Ցավում եմ, որ հուշարձանի տեղադրումը նման արձագանք է ստացել Թուրքիայում: Ես այս հարցը քննարկել եմ նաև իմ թուրք գործընկերոջ հետ: Որոշումը կայացվել է տեղական ինքնակառավարման մարմնում, ու չեմ ցանկանում, որ հուշարձանի տեղադրումն այստեղ ընկալվի որպես ՀՀ պետական արտաքին քաղաքականության դրսևորում կամ որպես ոչ բարի դրացիական քայլ»,- Անկարայում պատասխանելով թուրք լրագրողի հարցին՝ ասել է ՀՀ ԱԺ նախագահ Ալեն Սիմոնյանը: «Ես էլ կարող էի հազա՜ր տարբեր պատճառ գտնել՝ Թուրքիա չժամանելու համար, բայց ես այստեղ եմ, որ թուրք հասարակությանն ասեմ, որ ՀՀ-ը պատրաստ է խաղաղության ու հարաբերությունների կարգավորման՝ առանց նախապայմանների»,- հավելել է Սիմոնյանը:

Հիշեցնենք՝ Սևծովյան տնտեսական համագործակցության խորհրդարանական վեհաժողովի շրջանակում Անկարայում է ՀՀ ԱԺ նախագահ Ալեն Սիմոնյանի գլխավորած պատվիրակությունը: