ԵՄ-ն ընդլայնել է ռուսաստանցիների «սև ցուցակը» ՝ այնտեղ ընդգրկված գործիչների թիվը 21-ից դարձնելով 33 մարդ: Գրում է ИТАР-ТАСС-ը: Դրանից բացի՝ ԵՄ պետությունները պայմանավորվել են չեղյալ համարել հունիսին Սոչիում կայանալիք Ռուսաստան-ԵՄ գագաթնաժողովը:
«ԵՄ-ն պահանջում է Ուկրաինայի տարածքային ամբողջականության վերականգնում»,-ասել է Հերման Վան Ռոմպեյը և հավելել.
«Ռուսաստանի հետագա գործողությունների դեպքում ԵՄ-ն այլ պատժամիջոցներ կկիրառի՝ այդ թվում՝ տնտեսական»:
Ռոմպեյը նշել է, որ ԵՄ-ն չի ճանաչում Ղրիմի հանրաքվեի արդյուքները և հետագայում ևս չի ճանաչելու:
Նրա խոսքով՝ պատժամիջոցները վրեժխնդրության դրսևորում չեն, այլ ընդամենը միջոց, որն ուղղված է ճգնաժամի վերացմանը:
