«Էրեբունի» ԲԿ-ում ծնվել է արցախյան պատերազմի ընթացքում զոհված կապիտան Անդրանիկ Հայրյանի որդին: Այս մասին հայտնում են «Էրեբունի» ԲԿ-ից: Սպան զոհվել էր Շուշիի մարտերի ընթացքում՝ դրսևորելով անձնուրաց քաջություն, բարձր պահելով սպայի պատիվը:
Անդրանիկը նաև մասնակցել էր 2016-ի քառօրյա պատերազմին: Որդու ծննդյան օրը Անդրանիկ Հայրյանը հետմահու պարգևատրվեց Արցախի հանրապետության Մարտական Խաչ 2-րդ աստիճանի շքանշանով: Արեգը ընտանիքի երկրորդ որդին է:
