Արդարադատության նախկին նախարար, «Լույս» հիմնադրամի տնօրեն Դավիթ Հարությունյանը հերքում է մամուլում հրապարակված այն տեղեկությունը, թե ինքը դադարեցրել է անդամակցությունը ՀՀԿ-ին։

Այս մասին News.am-ի հետ զրույցում Հարությունյանն ասել է, որ տեղեկությունը չի համապատասխանում իրականությանը և տեղյակ չէ, թե ով է «Վիքիպեդիա» տեղեկատվական համակարգում իր կենսագրականում նման տվյալ ներառել։

Հիշեցնենք, որ ավելի վաղ «Ժամանակ» թերթը գրել էր, որ կարկառուն ՀՀԿ-ականը լքել է կուսակցությունը։