Փաստաբան Լուսինե Մարտիրոսյանը կեսգիշերն անց ֆեյսբուքյան իր էջում գրել է․ «Վարդուհի Էլբակյանի հետ դուրս եկանք «Արմավիր» քրեակատարողական հիմնարկից...
Լա՞վ եք Դավիթին այս վիճակին հասցնողներ, վստահ եմ՝ հանգիստ էլ քնել եք, իսկ Դավիթը լավ չէր...»։

Ավելի ուշ էլ փաստաբանը գրել է․ «Հիմա էլ հիվանդանոցի փոխարեն Դավիթին տեղափոխում են Աբովյան ՔԿՀ ...էրեխուն քարկտիկ են սարքել»

***

Իրավապաշտպան Ժաննա Ալեքսանյանն էլ ֆեյսբուքյան էջում գրել է․ «Օրերս բանտում հայտնված 18-ամյա Դավիթ Մինասյանի փաստաբանները պնդում են, որ նա ունի առողջական այնպիսի խնդիրներ, որոնք անհամատեղելի են բանտային պայմանների հետ։ Այսինքն՝ նա չպետք է գտնվի բանտում։ Հետևաբար նրա հետ մի բան պատահելու դեպքում ողջ պատասխանատվությունը կրում են սույն տիկնայք՝ գլխավոր դատախազն ու Արդարադատության նախարարը և ոչ թե Նիկոլ Փաշինյանը։ Վերջինս այսօր իր մասին խոսում էր երրորդ դեմքով, որպես պահպանյալի, և շատ պատկերավոր բացատրեց, որ հանուն պահպանյալի կարող էին նույնիսկ կրակել։ Փաշինյանը ուղղակի զուգահեռներ տարավ «Պապլավոկ»-ում Պողոս Պողոսյանի սպանության դեպքի հետ և զարմացած հարցադրում արեց․ «Տարբերությունը չեք զգո՞ւմ»։ Եվ, իրոք մենք տարբերությունը չենք զգում, իսկ Նիկոլ Փաշինյանը զգում է։ Զգում է, որ Քոչարյանի համեմատ ինքը կատարյալ է»։