vivaronews.am-ը գրում է. Պորտուգալիայի ազգային հավաքականի նախկին ֆուտբոլիստ Դեկուն զգուշացնում է «Մանչեսթեր Յունայթեդի» ֆուտբոլիստներին, որ թիմի գլխավոր մարզիչ Ժոզե Մոուրինյոյի մոտ բռնկումներ շատ են լինում:
Հենրիխ Մխիթարյանը և Ջեսի Լինգարդը, ովքեր ձախողեցին մանչեսթերյան դերբիի առաջին խաղակեսը, դարձան պորտուգալացի մասնագետի «Մանչեսթեր Յունայթեդում» առաջին «զոհերից»: Ավելի ուշ այդ քննադատության արժանացավ նաև Լյուկ Շոուն, ով ձախողեց «Ուոթֆորդի» հետ հանդիպումը:
Սակայն Դեկուն, ով նախկինում աշխատել է Մոուրինյոյի հետ, կարծում է, որ քննադատությունների մակադակը ՝ խաղի անբաժանելի մասն է «մեծ ակումբում»:
«Եթե դուք խաղում եք այնպիսի ակումբներում, ինչպիսիք են «Չելսին», «Յունայթեդը», «Բարսելոնան», «Ռեալը», ապա պետք է ջանքեր չխնայեք: Եթե ուզում եք խաղալ բարձր մակարդակում պետք է ամեն ինչ հաղթահարեք»,- ասել է Դեկուն:
Ժամանակին Մոուրինյոն քննադատել է նաև «Չելսիի» աստղերին, այդ թվում առաջատար Էդեն Ազարին:Սակայն, Դեկուն պնդում է, որ այսպիսի մոտեցումը ավելի հեռանկարային է ֆուտբոլիստի համար:
