ԱԺ-ում կառավարության հարց ու պատասխանի ժամանակ պատգամավոր Ռուբեն Հակոբյանի՝ ԱԳ նախարար Էդվարդ Նալբանդյանին ուղղված հացրը վերաբերում էր Բելառուսի կողմից Ադրբեջանին բլոգեր Ալեքսանդր Լապշինին հանձնելուն:
«Ի՞նչ ծրագիր ունեք և պատրա՞ստ եք դրանք քննարկել ԱԺ պատգամավորների հետ»,-հարցրեց պատգամավորը:
«Ես ասել էի, որ այս խայատառակությունը վնաս կհասցնի հենց գործարքի մասնակիցներին: Միանգամայն հասկանալի է մեր հասարակության վրդովվմունքը: Իսկ քայլերի առումով ասեմ՝ սա երևի արվել է, որ մարդիկ այլևս Արցախ չայցելեն, բայց տասնյակ երկրներից հարյուրավոր ականավոր դեմքերի անուններ պարունակող ադրբեջանական «սև ցուցակն» ինքնին խոսում է: Արդյո՞ք հոսքը դեպի Արցախ դադարեց, իհարկե՝ ոչ: Այն շարունակելու է աճել: Բնականաբար, այս ուղղությամբ գործողություններ արվել են ու կարվեն»,-նշեց Էդվարդ Նալբանդյանը:
ԱԳ նախարարը հորդորեց նաև Ադրբեջանի «ջրաղացին ջուր չլցնել»:
