Ռուս երգիչ Դիմա Բիլանը պատրաստվում է Հայոց ցեղասպանության թեմայով երգ ու տեսահոլովակ ներկայացնել: Այս մասին Բիլանը պատմել է «Մուզ» TV-ին տված հարցազրույցի ժամանակ:
«Ինձ այս թեման ծանոթ է ոչ միայն պատմությունից: Մայրիկիս տատը՝ Շուշան Տիգրանի Քրունին, 13 տարեկան աղջիկ էր, երբ փրկվեց մահից: Նրան փրկել են հնադավան ռուսները, որոնք ևս Թուրքիայից Ռուսաստան էին փախչում: Ցավոք, մայրիկիս տատը մահացել է նախքան իմ ծնվելը, բայց մորս պատմելով՝ տատիկը ողջ կյանքում փնտրել է իր բարեկամներին՝ չիմանալով, ո՞ղջ են նրանք, թե՞ մեռած»,- ասել է երգիչը:
Երգն արդեն գրված է, իսկ տեսահոլովակի նկարահանման աշխատանքները դեռևս շարունակվում են։ Նկարահանումների մի մասն իրականացվում է Հայաստանում՝ Արարատյան դաշտավայրում:
