Օլիմպիական խաղերի արծաթե մեդալակիր, աշխարհի ու Եվրոպայի չեմպիոն, հունահռոմեական ըմբիշ, ՔՊ ցուցակով պատգամավոր ընտրված Արսեն Ջուլֆալակյանը ֆեյսբուքյան իր էջում նոր գրառում է կատարել՝ գրելով.
«Հետաքրքիր է՝ էլ ո՞վ, ինչքա՞ն պետք է ասի կամ ի՞նչ պետք է լինի, որ վերջապես ճանապարհային ոստիկանությունը սկսի լիարժեք կատարել իր ֆունկցիաները։ Էս 8 ամիսը հերիք էր, որ համոզվեինք - վարորդների ինքնագիտակցությունն ու օրենքի հանդեպ հարգանքը էնքան չի, որ ինքնակարգավորվենք։ Նշանակում է, պետք է ուղղակի օրենքով նախատեսված գործառույթների իրականացում ոստիկանության կողմից։
Թե երթևեկելը, թե քայլելը դարձել է անչափ վտանգավոր ու տհաճ։ Ով ոնց ուզում վարում է, ով որտեղ ուզում կայանում է մեքենան... էլ չասեմ «դռիկների» ու «սիգնալների» վերադարձը, դռիֆտները կենտրոնական փողոցներում...
Անհապաղ լուծելու խնդիր է։ Դժգոհությունը համատարած է»:
Կարդացեք նաև՝ Ոչ մեկին ոչինչ չեմ պատրաստվում ապացուցել. Արսեն Ջուլֆալակյան
Արսեն Ջուլֆալակյանը` անձնականն ու նորածին դստերը բոլորից թաքցնելու մասին
