«Ես քաղաքականությունից դուրս եմ եկել. համ դուք ինձանից կպրծնեք, համ էլ` ես ձեզանից»,- այսօր խորհրդարանում լրագրողների հետ զրույցում ասաց պատգամավոր Մհեր Սեդրակյանը` հավելելով, որ ոչ ոքից նեղացած չէ
Մհեր Սեդրակյանը, ով երկար ժամանակ խորհրդարան չէր եկել, ասաց, որ իր համար փակել է քաղաքականության էջը և հնարավոր է նույնիսկ որպես ընտրող չմասնակցի ընտրություններին:
Պատգամավորը հերքեց, թե այս ընթացքում իր կամ որդու համար բանակցություններ է վարել «Ծառուկյան» դաշինքի հետ:
«Ոչ մի անգամ, ոչ: Մենք չենք ուզում, բիզնեսով ենք որոշել զբաղվել»,- ասաց պատգամավորը:
Հարցին` հանդիպե՞լ է Սերժ Սարգսյանի կամ Գագիկ Ծառուկյանի հետ, Սեդրակյանը պատասխանեց, որ որևէ մեկի հետ չի հանդիպել, և որևէ մեկի կողմից իր վրա ճնշում չի եղել:
