Ավելի վաղ տեղեկացրել էինք, որ Հայաստանի դեմոկրատական կուսակցության նախագահ Արամ Գասպարի Սարգսյանը պատրաստվում է դուրս գալ Օհանյան-Օսկանյան դաշինքից: Քիչ առաջ տեղեկությունը հաստատեց Արամ Սարգսյանը նշելով.
«Երեկ խորհրդի նիստ ենք հրավիրել և քննարկել ենք մեր դաշինքային ձևաչափի մասին հարցը: Մենք հստակ ներկայացրել էինք այն սկզբունքները, որոնք մեզ համար կարևոր էին.համակարգի ապամոնտաժում, տնտեսական զարգացում, Արցախի հիմնահարց...Փորձում էինք համագործակցել, սակայն խախտվեցին մի շարք սկզբունքներ: Առաջին հերթին պետք է ձևավորվեր խորհուրդ այն կուսակցությունների ներկայացուցիչներից, որոնք պետք է որոշումներ ընդունեին: Սա չեղավ: Չքննարկվեց նաև այն, թե ո՞ր ծրագրով ենք առաջնորդվելու ու ի՞նչ ենք ուզում անել երկրում: Հետևաբար, մենք դուրս ենք գալիս չեղած դաշինքից»:
