Այսօր 6-րդ գումարման Ազգային ժողովի պատգամավորները գաղտնի քվեարկությամբ ընտրեցին ԱԺ փոխնագահներին: Հաշվիչ հանձնաժողովի նախագահ ՀՀԿ-ական պատգամավոր Գագիկ Մելիքյանը հայտարարեց ընտրության արդյունքները:
ՀՀԿ-ական Էդուարդ Շարմազանովը կողմ՝ 84, դեմ՝ 13 ձայների հարաբերակցությամբ ընտրվեց ԱԺ փոխնախագահի պաշտոնում:
ՀՀԿ պատգամավոր Արփինե Հովհաննիսյանը կողմ՝ 73, դեմ՝ 22 ձայների հարաբերակցությամբ ևս ընտրվեց խորհրդարանի տեղակալի պաշտոնում: «Ծառուկյան» դաշինքի թեկնածու Միքայել Մելքումյանը ևս ընտրվեց՝ հավաքելով կողմ՝ 65, դեմ՝ 29 ձայն:
