Փաստաբան Ռուբեն Մելիքյանի ֆեյսբուքյան գրառումը. «Այսօրվա Հայաստանում ընդդիմադիր հայացքներ ունեցող մարդիկ բաժանվում են երկու խմբի.
1) Մարդիկ, ովքեր ներքուստ պատրաստ են «ընդդիմադիր հայացքներ ունեցող մարդիկ» աշխատել ադրբեջանա-նիկոլական «չորրորդ հանրապետություն» պրոյեկտում։
2) Մարդիկ, ովքեր պատրաստ են զոհասեղանին դնել իրենց առողջությունը, ազատությունը, բարեկեցությունը, գուցե նաև կյանքը՝ ադրբեջանա-նիկոլական «չորրորդ հանրապետություն» պրոյեկտը խափանելու համար։
Ընդ որում՝ շատերը նույնիսկ չգիտեն, թե ո՛ր խմբին են իրենք դասվում, և դա իմացվում է առանցքային որոշում կայացնելու պահին։
Արմքոմեդիի տղերքը կանգնած էին այդպիսի առանցքային որոշում կայացնելու հարցի առջև. Իմնիմնիմիի տղերքի հանդեպ ալենի ստահակության հետևանքով չեղարկե՞լ նրա հետ հարցազրույցի հրապարակումը, թե՞ չչեղարկել։ Ընտրեցին երկրորդ տարբերակը։ Ընտրեցին ադրբեջանա-նիկոլական «չորրորդ հանրապետություն» պրոյեկտում «ընդդիմադիր հայացքներ ունեցող տղերք» աշխատելու անշառ տարբերակը։
Ափսոս»։

Դիտեք նաև՝

«Ակնան իմ հայրենիքն է» հայտարարությունը ՀՀ երրորդ նախագահ Սերժ Սարգսյանի հայտարարության հակադարձումն էր. «Արմքոմեդիի» հետ զրույցում հայտարարել է Ալեն Սիմոնյանը 

Ինքն ասում էր՝ «Աղդամն իմ հայրենիքը չէ, ինչը նշանակում էր՝ ես պատրաստ եմ դա հանձնել»։ Ես ասում եմ՝ չէ, ես պատրաստ չեմ դա հանձնել։

Հաղորդավար Նարեկ Մարգարյանը նշեց՝ եթե Աղդամի մասին խոսակցություններն ուշացած են, ապա Ստեփանակերտն իսկապես իր հայրենիքն է։

«Իմ տատիկն այնտեղ է ծնվել, այնտեղ մեծացել, բառիս բուն իմաստով, իմ հայրենիքն է, բայց ես հիմա էնտեղ չեմ կարող գնալ, դա ձեր քաղաքականության հետևանքն է, ոչմիթիզիկանության ինչ-որ բան չի»,- ասաց Նարեկ Մարգարյանը։

Ալեն Սիմոնյանն էլ հակադարձեց՝ դա ոչ թե իրենց, այլ այն քաղաքականության հետևանք է, որը 30 տարի վարել են։