«Հրապարակ» թերթը գրում է. «Երեկ ԵՊՀ դասախոսներից տարօրինակ բողոք ստացանք․ 1 ամսից ավելի է՝ վերանորոգում են բուհի զուգարանները, ինչն անհարմարություններ է ստեղծել իրենց համար: ԵՊՀ-ում 5-6 դասաժամ ունեցող դասախոսները չգիտեն որտեղ հոգալ իրենց բնական կարիքները։ ԵՊՀ խոսնակը մեզ փոխանցեց, որ բոլոր սանհանգույցները չեն վերանորոգվում։

«Միաժամանակ վերանորոգվում են այն սանհանգույցները, որոնք տեղակայված են մեկ ուղղությամբ։ Դա պայմանավորված է այն հանգամանքով, որ տարիների ընթացքում չենթարկվելով վերանորոգման՝ ամբողջ համակարգն է դարձել փոփոխման ու վերանորոգման ենթակա, ուստի հատվածային լուծումներ իրականացնելու հնարավորություն չի եղել։ Այսինքն՝ հնարավոր չէ մեկ հարկի սանհանգույցները վերանորոգել, անհրաժեշտ է փոխել նաեւ ամբողջ խողովակաշարը, որն անցնում է տարբեր հարկերով»։

ԵՊՀ-ն կարեւորում է մարդկանց համար ուսման ու աշխատանքի պատշաճ, այդ թվում՝ սանիտարահիգիենիկ պայմաններ ստեղծելը: Իսկ մարդիկ բողոքում են, թե ինչու ամռանը չեն նորոգել, եւ հիմա «ոտնահարվում է բնական կարիքները հոգալու իրենց իրավունքը»։