Ոստիկանության Մաշտոցի բաժին է դիմել Գեղարքունիքի մարզի բնակիչ 32-ամյա Օկսեն Ա․-ն և հայտնել, որ իր եղբոր կնոջը՝ 21-ամյա Ասյա Ն․-ին, հուլիսի 22-ին տեղափոխել են Երևանի «Վերարտադրողական առողջության պերինատոլոգիայի մանկաբարձության և գինեկոլոգիայի Հանրապետական ինստիտուտ», որտեղ բժիշկների կողմից իրենց մասնագիտական պարտականությունները ոչ պատշաճ կատարելու հետևանքով Ասյա Ն-ն մահացել է։
Այս մասին գրում է Shamshyan.com-ը:
Հետաքննիչի որոշմամբ՝ նշանակվել է դատաբժշկական փորձաքննություն։
Sputnik Արմենիայի տեղեկություններով` կինը մոտ 7-8 ամսական հղի վիճակում մայրաքաղաք էր տեղափոխվել հուլիսի 22-ին։ Պտուղը հեռացվել էր, իսկ երիտասարդ կինը տեղափոխվել էր «Արմենիա» բժշկական կենտրոն`շնչառական անբավարարության դեմ բուժում ստանալու համար։
