Երեւանի քաղաքապետարանը աղբի տեսակավորման գործընթաց է սկսում: Այս մասին «Ֆեյսբուք»-ի իր էջում հայտնել է Երեւանի քաղաքապետարանի մամուլի խոսնակ Հակոբ Կարապետյանը:
«Երեւանի քաղաքապետարանը աղբահանության գործընթացի կարգավորմանը զուգընթաց փոքր քայլերով սկսում է աղբի տեսակավորման գործընթացը: Սկսում է ստվարաթղթի տեսակավորումից: Այս փուլում աղբը հիմնականում կհավաքվի տնտեսվարողներից, խանութներից, որոնք շատ են «արտադրում» ստվարաթուղթ, եւ կտանի կհանձնի վերամշակող ընկերությանը»,- գրել է Կարապետյանը:
