«Լույս» խմբակցության ավագանու անդամ Թեհմինա Վարդանյանի խոսքով «Իմ քայլը» խմբակցության մոտ պայմանագիր չեղարկել բառը նման է ԱՄՆ-ի համար Ցեղասպանության բառին: Վարդանյանի հարցին,եթե սեպտեմբերի 28-ին քաղաքապետարանը ձեռք բերի աղբահանության համար տեխնիկա, քաղաքապետարանը պատրա՞ստ է խզել «Սանիթեք»-ի հետ պայմանագիրներից մեկը և արդյոք դա քաղաքական որոշո՞ւմ է լինելու, թե՝ ոչ, ինչին Երևանի փոխքաղաքապետ Հրաչյա Սարգսյանը պատասխանեց.«Քաղաքապետարանն ընդհանրապես հակված չէ որևէ սուբյեկտի հետ պայմանագիր խզել, եթե նա կատարում է իր պարտավորությունները: Այո, այս պահի դրությամբ «Սանիթեքը» բազմաթիվ թերացումներով է կատարում իր ծառայությունը: Չեմ կարող ասել՝ սեպտեմբերին կկարողանա վերադառնալ իր պայմանագրերի կետերին, ամբողջությամբ սպասարկել ամբողջ Երևանը, թե՝ ոչ: Մենք ակնկալում ենք ու պահանջում, որպեսզի «Սանիթեքը» կատարի իր պարտավորությունները: Մենք ձեռք ենք բերել նոր աղբամաններ և, երբ «Սանիտեք»-ին խնդրեցինք իրենց հին աղբամանները հանել, նրանցից չստացանք աջակցություն: Իսկ երկրորդ հարցի առումով, չգիտեմ ի՞նչ քաղաքական կոմպոնենտ կա այստեղ: Մենք ձերբակալե՞լ ենք ինչ-որ մեկին:
«Սանիթեքը» չի կատարում իր պարտավորությունները, մեղադրել, թե մայթերով անցնել չի լինում, մեղադրելն անթույլատրելի եմ համարում: Մենք փորձել ենք ամեն կերպ աջակցել «Սանիթեք»-ին»: Թեհմինա Վարդանյանն էլ պատասխանեց, որ ինքը հստակ հարց է տվել, իսկ փոխքաղաքապետը կենսագրական է պատասխանում և նշեց, որ ինքը Հայկ Սարգսյանին էր հարց տալիս.«Չգիտեմ՝ սեպտեմբերին մենք պայմանագիր խզելու ենք, թե՝ ոչ: Չգիտեմ, որովհետև չեմ կարող ասել սեպտեմբերին «Սանիթեք»-ի հետ հրաշք է լինելու է, թե՝ ոչ: Եթե-ով չեմ ուզում պատասխանել»,-ասաց փոխքաղաքապետը:
