«Ագրարագյուղացիական միավորում» ՀԿ նախագահ Հրաչ Բերբերյանը լրագրողների հետ հանդիպման ժամանակ հայտնեց, որ նախօրեին այցելել է Շիրակի մարզ, այսօր եղել է Գեղարքունիքում. նրա խոսքով՝ Հանրապետությունում երաշտ է: «Մնում եմ զարմացած մեր պետական այրերի վրա: Եթե 25-28 օր տեղումներ չեն լինում, Կառավարությունը պարտավոր է հայտարարել երաշտի ժամանակաշրջան ու գյուղացիներին օգնություն ցույց տալ:
Մի 2-3 օր առաջ պարոն Ավինյանը Շիրակի գոտում հայտարարել է, որ ջրի խնդիր չեք ունենա: Ախր հասկանալ է պետք. Կառնուտի ջրամբարում ընդամենը 4-5 մլն խմ ջուր է, միտումնավոր չեն լցրել ջրամբարը՝ հիմնավորելով, որ ընդեղ պատշարի պրոբլեմ կա, վթար կարա լինի, մինչդեռ 15 մլն խմ հանգիստ կարող էինք ջուր պահել ու այս վիճակը չունենալ»,- ասաց Բերբերյանը:
«Հայելի» ակումբում Հրաչ Բերբերյանի ասուլիսն ամբողջությամբ՝ տեսանյութում
