Գեներալ-մայոր, արցախյան ազատամարտի հերոս Արկադի Տեր-Թադևոսյանին (Կոմանդոս) չեն անհանգստացնում թուրք-ադրբեջանական զորավարժությունները։

«Նման միջոցառումներ միշտ անցկացվել են, պետք չէ կարծել, թե ինչ-որ արտառոց բան է տեղի ունեցել։ Եթե պատերազմ սկսվի, մենք մարդկային ցավալի կորուստներ կունենանք, բայց հակառակորդն ավելի շատ բան ունի կորցնելու։ Ադրբեջանում կան նավթամշակման գործարաններ, Մինգեչաուրի ՀԷԿ-ը, որը 7 անգամ հզոր է մեր ատոմային էլեկտրակայանից։ Ռազմական տերմինաբանության մեջ կա կենսաապահովման օբյեկտներ հասկացություն, որոնք մեծ դեր են կատարում ռազմական գործում։ Զինվորականները վերցնում են այն օբյեկտները, որոնցով կարող ես վնաս հասցնել թշնամուն։ Եթե մենք վերցնենք Մինգեչաուրը, նրանք կզրկվեն էլեկտրականության 40 տոկոսից: Ադրբեջանը նստած է նավթի տակառի վրա։ Եթե պատերազմ սկսվի, նրանց մոտ ողբերգություն տեղի կունենա, այդ պետությունը կփլվի։ Նրանք դա հոյակապ գիտեն»,- լրագրողների հետ հանդիպման ժամանակ ասաց Արկադի Տեր-Թադևոսյանը։

Անի Կարապետյան