Այսօր ՀՀ կառավարությունը հաստատվեց որոշման նախագիծը, որով առաջարկվում է փոփոխություններ կատարել «Ավելացված արժեքի հարկի մասին» օրենքում:
Նախագիծը ներկայացրեց ՀՀ փոխվարչապետ, ՀՀ, միջազգային տնտեսական ինտեգրման և բարեփոխումների նախարար Վաչե Գաբրիելյանը՝ խնդրելով նախագիծն անհետաձգելի ճանաչել, ինչպես նաև երկու օր ժամանակ տրամադրել՝ վերջնական մշակելու համար: ՀՀ վարչապետ Հովիկ Աբրահամյանն ասաց. «Քաղաքացին տարին մեկ մեքենա կարող է ներկրել իր օգտագործման համար և ազատում ենք: Օրենքով դա պիտի ազատվեր 2017թ. հունվարի 1-ից: Հիմա մենք կրճատում ենք այդ ժամկետը»:
Այսպիսով, ըստ այդ նախագծի` ԵՏՄ երկրներից ներկրվող մեքենաների համար այլևս ԱԱՀ չի գանձվելու:
Հիշեցնենք, որ վերջերս ԵՏՄ ինտեգրման և մակրոտնտեսության հարցերով նախարար Տատյանա Վալովայան հայտարարել է, որ Հայաստանի կողմից 20 տոկոս ԱԱՀ գանձելը, ԵՏՄ երկրներից Հայաստան ավտոմեքենա ներմուծելիս, հակասում է միության իրավապայմանագրային դաշտին: Իր խոսքում Տ. Վալովայան նշում է նաև Ղազախստանում նման նախադեպի մասին, ինչը կանխվել է:
