FEMEN-ի երեք ակտիվիստուհիներին Թունիսի մայրաքաղաքում բերման են ենթարկել` Արդարադատության պալատի առջև մերկացրած կրծքերով բողոքի ակցիա անցկացնելու համար. գրում է mignews.ru-ն: Բերման ենթարկվածներից երկուսը ֆրանսուհիներ են, մեկը` գերմանուհի: Նրանք բողոքի ակցիան անցկացրել են ի պաշտպանություն Թունիսում ձերբակալված Femen-ի հետևորդներից մեկի, ով ցանկացել էր հանուն մուսուլման կանանց իրավունքների մերկանալ կենտրոնական մզկիթի առջև: Իրավապահները նրա մոտ հայտնաբերել էին նաև արցունքաբեր գազ: Հիմա հնարավոր է` ակտիվիստուհին ճաղերի հետևում կես տարի անցկացնի: