Ֆեյսբուքյան «Ինձ պետք է այս ինչ բանը» (Indz Petqe Ays Inc Bany) խումբը, որն ունի 2000-ից ավելի հետեւորդ, օրեր առաջ անվանափոխվել և դարձել է «Ռ. Քոչարյան», իսկ այնուհետև որոնման համար դարձել է փակ:

Այս մասին հայտնում է Armtimes.com-ը:

Խմբի համակարգողը Ալինա Ամիրյան անվամբ օգտատերն է, որի ֆեյսբուքյան էջը ողողված է Ռոբերտ Քոչարյանի լուսանկարներով:

Այս անունով խմբերը սոցիալական ցանցերում օգտագործվում են որպես տարբեր օգտատերերին որեւէ կերպ օգտակար լինելու միջոց։ Դրանք սովորաբար շատ անդամներ են ունենում։ Սա առաջին դեպքը չէ, երբ նման բովանդակությամբ խումբ է ստեղծվում, որը հետագայում դրա համակարգողները անվանափոխում եւ դարձնում են իրենց որեւէ նպատակի համար գործիք՝ ըստ այդմ խմբի անդամներին հրամցնելով իրենց ցանկացած ինֆորմացիան։

Սա էլ, ըստ երեւույթին, հերթական փակ խումբն է՝ ստեղծված Ռոբերտ Քոչարյանի աջակիցների կողմից, որոնք նմանատիպ խմբերի միջոցով փորձում են ստեղծել իմիտացիա, թե Մարտի 1-ի գործով սահմանադրական կարգը տապալելու մեջ մեղադրվող Քոչարյանը հանրության լայն շրջանում ունի աջակցություն և նրա նկատմամբ իշխանության կողմից իրականացվում է քաղաքական հետապնդում:

Սա նաեւ խաբեություն է, քանի որ օգտատերը, որը դառնում է «Ինձ պետք է այսինչ բանը» խմբի անդամ, վստահաբար չի կարծում, որ որոշ ժամանակ անց խմբի բավանդակությունը փոխվելու է։

Ամբողջական նյութը՝ սկզբնաղբյուր կայքում

Լուսանկարը՝ Ասատուր Եսայանցի: Sputnik Արմենիա