Հայաստանի ազգային հավաքականի ու «Մարսելի» պաշտպան Գաել Անդոնյանը համաձայնության է եկել հունական «Վերիայի» հետ՝ հայտնում է «Մարսելի» պաշտոնական կայքը:
Անդոնյանը հունական ակումբում հանդես կգա վարձակալական հիմունքներով: Պայմանագիրը նախատեսված է 6 ամսվա համար:
«Վերիան» հանդես է գալիս Հունաստանի Սուպերլիգայում և 16 թիմերի շարքում զբաղեցնում է 14-րդ հորիզոնականը:
L’Equipe-ը նշում է, որ պայմանագրում տրանսֆերի գնման կետ չկա, ինչը նշանակում է, որ ամռանն Անդոնյանը վերադառնալու է «Մարսել»:
