Այսօր մամուլում տարածվեց տեղեկություն, ըստ որի՝ Գագիկ Ծառուկյանը մտադիր է վերադառնալ մեծ քաղաքականություն և 2017 թվականի ընտրություններում գլխավորել ԲՀԿ համամասնական ցուցակը:
Լուրի իսկությունը ճշտելու նպատակով Asekose.am-ը կապ հաստատեց Բարգավաճ Հայաստան կուսակցության նախագահ, համանուն խմբակցության ղեկավար Նաիրա Զոհրաբյանի հետ, ով նշեց, որ ինքն այդպիսի տեղեկություն չունի , ավելացրեց նաև, որ եթե Գագիկ Ծառուկյանը վերադառնա քաղաքականություն, ապա և՛ ինքը, և՛ Բարգավաճ Հայաստան կուսակցությունը միանշական կողջունեն այդ քայլը:
Գագիկ Ծառուկյանի մամուլի խոսնակ Իվետա Տոնոյանն էլ մեզ հետ զրույցի ընթացքում նշեց, որ այս պահին Գագիկ Ծառուկյանը զբաղված է շատ կարևոր գործով:
«Պարոն Ծառուկյանն այս պահին ունի խիստ հագեցած աշխատանքային գրաֆիկով՝օգոստոսին տեղի ունեցող օլիմպիական խաղերին հայ հավաքականի նախապատրաստական աշխատանքների կազմակերպմամբ, համակարգմամբ:Իսկ ինչ վերաբերում է առաջիկա խորհրդարանական ընտրություններին Գագիկ Ծառուկյանի մասնակցել-չմասնակցելուն, ապա նշեմ, որ պաոն Ծառուկյանը նույնիսկ չի մտածել այդ մասին, քանի որ, ինչպես նշեցի, զբաղված է շատ ավելի կարևոր գործերով: Եվ եթե նման որոշում լինի, ապա հայդ մասին կհայտարարի հենց ինքը»:
Ա.Հարությունյան
