Դոհայի միջազգային օդանավակայանում Դոհա-Երևան չվերթի ժամանակ արտակարգ դեպք է տեղի ունեցել: Սեպտեմբերի 28-ի երեկոյան, տեղի ժամանակով` ժամը 21:45-ին) Qatar Airways ավիաընկերության Airbus A320 ինքնաթիռը կտրուկ կանգ է առել: Այս մասին հայտնում է rusarminfo.ru-ն:
Թռիչքուղու վրա կտրուկ արգելակելուց հետո ուղևորներին հայտարարվել է, որ ինքնաթիռի գլխավոր համակարգիչը շարքից դուրս է եկել:
Ուղևորների խոսքերով՝ չվերթն իրականացնող ինքնաթիռը շատ հին է եղել, ոմանց խոսքերով՝ Qatar Airways-ը դեպի Երևան բոլոր չվերթները իրականացնում է հին ինքնաթիռներով:
Ուղևորները տարհանվել են և տեղափոխվել օդանավակայան, որտեղ նրանց ընթրիք է հյուրասիրվել:
Հետաձգված թռիչքը կայացել է մոտ 4 ժամ անց, արդեն բավականին նոր օդանավով:
Կայքը հաղորդում է, որ վթարային իրավիճակի մասին թե՛ հայկական, թե՛ կատարական կողմից առայժմ պաշտոնական տեղեկություն չկա:
