Ամիրյան 24 և 18 շենքերի բնակիչները բողոքում են, որ կառուցվող 16 հարկանի շենքն ապօրինի է, որ այն չի համապատասխանում ճարտարապետության նորմերին և բազմաթիվ խնդիրներ է առաջացնում, ոչնչացնելով նաև կանաչապատ տարածք:
Բնակիչներից մեկը նշել է, որ շինարարության փոշին հիգենիայի և առողջական, շնչուղիների հետ կապված խնդիրներ է առաջացնում, որ իր երեխայի մոտ առաջացել են նման խնդիրներ, և ամռան շոգին էլ նրանք ստիպված են եղել բոլոր պատուհանները փակ պահել, փոշուց և աղմուկից քիչ թե շատ պատսպարվելու համար:
-Իսկ տեխնիկա աշխատեցնելու դեպքում,օրինակ տրակտոր կամ էքսկավատոր, ցնցվում են բնակելի շենքերի պատերը: Մեքենաները կայանելու տեղ չունեն, անհրաժեշտության դեպքում, ոչ հրդեհ մեքենաները, ոչ շտապ օգնության մեքենաները չեն կարողանալու մոտենալ Ամիրյան 24 և Ամիրյան 18 շենքի բակերին,- նշել է մեկ այլ բնակիչ, հիշելով, որ մեկ անդամ հրդեհ էր բռնկվել, իսկ հրշեջ մեքենան մի կերպ է կարողացել մոտենալ դեպքի վայր,- շինարարությունն ավարտելուց հետո թերևս ընդհանրապես հնարավոր չի լինի մոտենալ,-հավելել է բնակիչը:
Բնակիչները նշեցին, որ դիմել էին կառավարություն, բաց նամակներ են գրել տարբեր ատյանների, որ սեպտեմբերի սկզբին սեփական ուժերով շինարարությունը դադարեցել էին, սակայն այսօր առավոտյան նկատել են, որ այն նորից վերսկսվել է :
-Գայլն ի՞նչ է սիրում, ամպոտ եղանակ. Նրանք նորից իրենց սև գործն սկսել են,- նշել է բնակչուհիներից մեկը:
Ուղիղ միացմամբ կարող եք հետևել վերոհիշյալ հասցեում տեղի ունեցող իրադարձություններին` ստորև:
