Asekose.am-ի էլելտրոնային հասցեին ստացված նամակը, որից հատվածներ ներկայացնում ենք առանց մեկնաբանության, նշում է, թե վաղը Ազգային Ժողովում գազային պայմանագրի քվեարկությունն ապահովելու հարցում լուրջ խոչընդոտներ են առաջացել, որը իշխանության վերնախավում խուճապային և պայթունավտանգ իրավիճակ է ստեղծել:
Նշվում է, որ ուրբաթ օրը քվեակության ձախողումից հետո երեկոյան գաղտնի հավաք է կազմակերպվել , որին ներկա է եղել նաև ռուսական կողմից ներկայացուցիչ: Այնուամենայիվ իշխող վարչախումբը չի կարողանում լուծել անհրաժեշտ քանակությամբ ձայներ ապահովելու հարցը: Հիմնական պատճառներից մեկը մեծ թվով հանրապետական պատգամավորների Հայաստանից բացակայելն է:
Ըստ նամակագրի, ով ներկայանում է իբրև Հայաստանի ապագայով մտահոգ և իրավիճակից տեղյակ քաղաքացի, ելնելով իրավիճակի անելանելիությունից, քննարկվել է նույնիսկ բոլոր հանրապետական պատգամավորներին գումար բաժանելու հարցը, որի ծախսը իր վրա կվերցնի ռուսական կողմը, մասնավորապես` Գազպրոմ ընկերությունը:
Նշենք, որ տարածված տեղեկատվության մասին կարծիք ստանալու ակնկալիքով Asekose.am-ի թղթակիցը փորձել է կապ հաստատել ՀՀԿ ներկայացուցիչների հետ, սակայն նրանց բջջայիններն անհասանելի էին` թերևս այն պատճառով, որ ֆեյսբուքյան օգտատերերից մի քանիսն այսօր համացանցում հրապարակել էին ՀՀԿ-ական պատգամավորների հեռախոսահամարներն ու կոչ արել զանգահատել նրանց ու հաղորդագրություններ ուղղարկել` հորդորելով վաղը դեմ քվեարկել այսպես կոչված` Գազի պայմանագրին:
