ՀԱԿ պատգամավոր Լևոն Զուրաբյանի՝ ԱԺ-ում Կառավարությանն ուղղված հարցը վերաբերում էր գյուղատնտեսական վարկերին.
«Գյուղի բնակիչների 90 տոկոսը վարկ է վերցրել, այն 24 տոկոս է: Մարդիկ հայտնվել են տույժերի, տուգանքների, բանկերի ճնշման ներքո, չեն կարողանում այս վիճակից դուրս գալ, մնացել են «տակը»: Հետաքրքիրն այն է, որ Կառավարությանն ուղղված նամակում մարդիկ այս ամենը նկարագրել են, բայց պատասխանել են, որ ՀՀ գործող առևտրային բանկերը մասնավոր ընկերությունները են և գործունեությանը միջամտելը դուրս է ՀՀ կառավարության իրավասություններից: Թայլանդի կամ Զիմբաբվեի կառավարությանը չեն դիմել: Մի՞թե հնարավոր չէր համակարգային լուծում գտնել»,-հարցրեց պատգամավորը:
ՀՀ Գյուղատնտեսության նախարար Իգնատի Առաքելյանը պատասախնեց.
«Հարցը ճիշտ է, կա խնդիր, չկա մեխանիզմ: Հարցը դրված է քննարկման, զեկուցվել է վարչապետին: Կա հանձնարարություն՝ Կենտոնական բանկի հետ լուծում գտնել»:
