«Քաղաքացիական պայմանագիր» կուսակցության Երևանի քաղաքապետի թեկնածու Տիգրան Ավինյանը  տեսանյութ է ներկայացրել ֆեյսբուքյան իր էջում ու գրել է․

Սիրելի երևանցիներ,

Սեպտեմբերի 12-15-ին Երևանի քաղաքապետարանը հրավիրում է բոլորիդ Թումոյի այգի՝ վայելելու «Օպերա բաց երկնքի տակ» ծրագիրը, որ կներկայացնի Հայաստանի օպերայի և բալետի ազգային թատրոնը՝ մաեստրո Կարեն Դուրգարյանի ղեկավարությամբ։

Երեկոների ընթացքում կներկայացվեն հայկական օպերային արվեստի գլուխգործոցները՝ հետևյալ հերթականությամբ՝

Սեպտեմբերի 12-ին և 13-ին՝ Արմեն Տիգրանյանի «Անուշ» օպերա,

Սեպտեմբերի 14-ին՝ Ջուզեպպե Վերդիի հռչակավոր «Տրավիատա» օպերային ներկայացումը,

Սեպտեմբերի 15-ին՝ եզրափակիչ «Օպերա գալա» ծրագիրը՝ իտալացի աշխարհահռչակ դիրիժոր Ֆաբիո Մաստրանջելոյի ղեկավարությամբ:

Համերգին կմասնակցեն հայ և համաշխարհային օպերային աստղեր։

Սկիզբը՝ 20:00-ին

Սիրով կսպասենք բոլորիդ։