Պետաիրավական հարցերի մշտական հանձնաժողովի նիստը քվորում չլինելու պատճառով մեկնարկել է 30 րոպե ուշացմամբ․ նիստը պետք է մեկնարկեր ժամը 10։00-ին, սակայն սահմանված ժամին ներկայացել էր միայն «Բարգավաճ Հայաստան» խմբակցության պատգմավոր Գևորգ Պետրոսյանը։
Երբ ներկայացավ հանձնաժողովի նախագահ Վլադիմիր Վարդանյանը՝ հայտարարեց 30 րոպե ընդմիջում։
«Հարգելի պարոն Վարդանյան, ինձ թվում է հանձնաժողովի անդամները ուշագնաց են եղել երեկ այստեղ հնչած մի հայտարարությունից, որ մարդը երբ ծնվում է սեռը հայտնի չի լինում, երևի ինչ-որ թերապիա են անցնում, էնպես որ սպասենք կգան մասնակցեն նիստին»,- դիմելով Վլադիմիր Վարդանյանին՝ ժպիտով ասել է Գևորգ Պետրոսյանը։
Ըստ Գևորգ Պետրոսյանի՝ երեկ Պետաիրավական հարցերի մշտական հանձնաժողովում նման միտք է արտահայտել «Իմ քայլից» Նիկոլայ Բաղդասարյանը։
