Հուլիսի 24-ին հայ-թուրքական սահմանը հատած, Հայաստանում կալանավորված, իսկ այնուհետև ազատ արձակված Թուրքիայի Կարս նահանգի Աքայայա շրջանի Քյուչյուքդուրդուրան գյուղի բնակիչ 16-ամյա Ումութ Ալի Օզմենը, հարցազրույց է տվել թուրքական «Doğan» լրատվական գործակալությանը, հայտնում է Ermenihaber-ը:
Հարցազրույցի ընթացքում Օզմենը նորից այցելել է այն վայրը, որտեղից հատել էր հայ-թուրքական սահմանը։ Կիսվելով իր հիշողություններով՝ նա ասել է, որ հետաքրքրությունից դրդված է անցել սահմանը և շեշտել, որ զղջացել է իր արարքի համար:
«Այդ ամենը իմ հետաքրքրասիրության պատճառով եղավ։ Իհարկե սրանից հետո նման բան չի լինելու։ Ես զղջացել եմ։ Այլևս երբեք այն կողմ չեմ անցնի»։
Հիշեցնենք, որ Թուրքիայի քաղաքացի 16-ամյա Ումութ Ալի Օզմենը հուլիսի 24-ին հատել էր հայ-թուրքական սահմանը և կալանավորվել: Նա Թուրքիայի Աքյայայի շրջանի Քյուչուքդուրդուրան գյուղի բնակիչ է:
Կարդացեք նաև՝
Թուրք սահմանախախտ երեխայի ծնողները խնդրում են ՀՀ իշխանություններից հետ վերադարձնել իրենց որդուն
«Երևանը հիասքանչ է».թուրք սահմանախախտ տղան զբոսնել է մայրաքաղաքով
