«Հայաստանին, իհարկե, դուր չի գալիս, որ Ադրբեջանը սպառազինություն է գնում մեր դաշնակցից, որը որպես Մինսկի խմբի համանախագահ, շատ ջանքեր է գործադրում, նաեւ Հայաստանի հետ փոխհամագործակցությամբ, մեր տարածաշրջանում խաղաղության ու կայունության պահպանման համար»,- «ՌԻԱ Նովոստիի» փոխանցմամբ հայտարարել է ՀՀ ԱԳ նախարար Էդվարդ Նալբանդյանը։
Նա նաեւ նշել է, որ Հայաստանը ստիպված է ջանքեր գործադրել՝ ուժերի հավասարակշռությունը պահպանելու համար։
«Հայաստանը չէ, որ սպառնում պատերազմ սկսել, Հայաստանը չէ, որ պարծենում իր ռազմական բյուջեի թվերով եւ գնած զենքի քանակով, Հայաստանը չէ, որ խախտում է Եվրոպայում սովորական սպառազինությունների մասին պայամանգրի նորմերը։ Թե ինչի է դա հանգեցնում, մենք տեսանք այս տարվա ապրիլին։ Բնականաբար, այդ պայմաններում մենք ստիպված ենք ջանքեր գործադրել տարածաշրջանում ուժերի հավասարակշռությունը պահպանելու և' նոր սրացումներ, և՛ նոր պատերազմ թույլ չտալու համար», -նշել է Նալբանդյանը։