ՀՀ արդարադատության նախարար Արտակ Զեյնալյանը հայտնել է, որ դատապարտյալների համաներման նախագիծը հոկտեմբերի 23-ին կներկայացվի Ազգային ժողովի քննարկմանը:
Երևանի քաղաքապետարանում լրագրողների հետ զրույցում Զեյնալյանը շեշտել է, որ լինելու է ամենածավալուն համաներումը:
«Նախագիծը հոկտեմբերի 23-ին կներկայացվի Ազգային ժողովի քննարկմանը: Մինչ այդ քննարկումները փակ են»,- ասաց Զեյնալյանը:
Նշենք, որ Կառավարությունն արդեն հավանություն է տվել համաներում հայտարարելու մասին նախագծին:
