Հայկ Գրիգորյանը նշանակվեց ՀՀ քննչական կոմիտեի նախագահ:
Այս մասին հարցը ներառված էր Կառավարության այսօրվա նիստի օրակարգում: Հարցը զեկուցեց առաջին փոխվարչապետ Արարատ Միրզոյանը:
Հիշեցնենք, որ Քննչական կոմիտեի նախկին նախագահ Աղվան Հովսեփյանը հրաժարականի դիմում էր ներկայացրել հունիսի 11-ին:
Իսկ Հայկ Գրիգորյանը ՀՀ նախագահի 2015 թվականի հունվարի 14-ի հրամանագրով նշանակվել է ՀՀ քննչական կոմիտեի նախագահի տեղակալ, զինվորական քննչական գլխավոր վարչության պետ:
2015թ. հունվարի 19-ին ՀՀ քննչական կոմիտեի նախագահի հրամանով շնորհվել է արդարադատության գնդապետի կոչում, զինվորական կոչումով փոխգնդապետ է:
