ԱԺ «Իմ քայլը» խմբակցության պատգամավոր Գեւորգ Պապոյանը հերքում է մամուլում տարածված տեղեկությունը, թե ինքը 2004-2006թթ. եղել է ՕԵԿ անդամ։
«Ոչ միայն հերքում եմ, որ երբեւէ առնչություն եմ ունեցել ՕԵԿ-ի հետ, այլեւ պարզապես նշեմ, որ 18 տարեկան եմ դարձել 2005-ին, հետեւաբար դրանից առաջ երբեւէ չէի կարող դառնալ կուսակցական։
Հերթական ստի սպասումով»,-գրել է նա:
Նշենք, որ «Իրավունք» թերթն այսօր գրել էր. « Սոցցանցերում տարածված լուրերի համաձայն՝ Գ. Պապոյանը ժամանակին եղել է նաեւ «Օրինաց երկիր» կուսակցության անդամ, մասնավորապես, խոսքը 2004-2006 թվականների մասին է»:
Հիշեցնենք, որ օրերս համացանցում մեծ արձագանք էր ստացել Գևորգ Պապոյանի՝ նախկինում ՀՀԿ անդամ լինելու տեղեկությունները: Պապոյանը հերքել էր տվյալ տեղեկությունները՝ նշելով, որ ինքը ֆիկտիվ է անդամակցել ՀՀԿ-ին և մինչև 2007 թվականը:
Գևորգ Պապոյանը հերքել էր նաև այն տեղեկությունները, թե իր՝ ՀՀԿ-ին անդամակցելուն միջնորդել է Էդուարդ Շարմազանովը, քանի որ Պապոյանի հայրիկը եղել է Շարմազանովի դասախոսը:
