Մտեք Աշոտյանի հոգեկան դրության մեջ: Հեշտ չի լինել Աշոտյան:
Այս մասին ֆեյսբուքյան իր էջում գրել է Հայ ազգային կոնգրեսի մամուլի խոսնակ Արման Մուսինյանը: Նա կետ առ կետ ներկայացրել է, թե ինչու է դժվար լինել Աշոտյանի տեղում:
Գրառումն ամբողջությամբ`ստորեւ.
Հեշտ չի լինել Աշոտյան: Մարդն այդքան խելք ունի ու հասկանում է, որ իրենք.
- պատմության մեջ մնալու են, որպես ժողովրդի արյունը թափած կուսակցություն/իշխանություն,
- էս երկրին ու ժողովրդին չեն ժառանգել գեթ մեկ մնայուն արժեք,
- փաստացի հողը տվել են, հիմա փորձում են հող գրավողին հայրենասիրություն սովորեցնել,
- խեղել են մեր բոլոր պետական արժեքներն անխտիր,
- բառի բուն իմաստով կերել են երկիրն ու ժողովրդին մատնել պանդխտության,
- հասարակությանը չեն տվել գեթ մի օգտակար միտք ու թեզ, բացի էժան ու ճոռոմ հայրենասիրական դատարկաբանությունից:
Հիմա մարդը սթրես է տանում, որ աստիճանաբար ջրի երես են դուրս գալիս և իրավական գնահատական են ստանալու իրենց իշխանության գործունեության հանցավոր դրվագները: Էդ մարդուն էլ հասկացեք: Պետք է լղոզի, սուտը խառնի իրականին (ու ստանա մի էնպիսի աղճատում, որ մարդիկ գլուխ չհանեն), իր ֆանտազիաները հասարակությանը ներկայացնի, որպես իրականություն: Սպառնա, որ կկծի, քացի կտա, կբողոքի մարզխորհուրդ: Հանգիստ նայեք դրան. դա հի՜ն կովկասյան ավանդույթի մաս է:
Այս ամենում միակ հուսադրողն այն է, որ Աշոտյանը մասնագիտությամբ բժիշկ է և սթրեսն ու ներքին հոգեկան տվայտանքները հաղթահարելու հարցում կարող է և չակնկալել հասարակության աջակցությունը:
