ԴՕԿ կուսակցության լրատվականը ֆեյսբուքյան իր էջում գրում է․
Շատերն են հարցնում, թե ինչու ԴՕԿ կուսակցությունը չի բացահայտում դատական գործընթացի մանրամասները կամ ինչու որոշակի տեղեկություններ չեն տրամադրվում հանրությանը։ Պետք է հստակ հասկանաք, որ կուսակցությունը գործում է օրենքի շրջանակներում և ստանում է միայն այն տեղեկատվությունը, որը իրավասու է հրապարակել։ Մենք բազմիցս նշել ենք, որ կան որոշ փակագծեր, որոնք մենք չենք կարող բացել, քանի որ դա մեր իրավասության սահմաններից դուրս է։ Այդ փակագծերը բացելու լիազորությունն ունի միայն Վարդան Ղուկասյանը։
Հիշեցնենք Վարդան Ղուկասյանի վերջին խոսքը.
«Դադարեք, մինչև ես գամ»։
Վարդան Ղուկասյանը սա ասաց, քանի որ ցանկացած շտապ որոշում կարող է վնասել ընդհանուր պայքարին։
Սա նշանակում է, որ որոշ գործընթացներ դեռ պետք է անցնեն իրենց իրավական և քաղաքական փուլերը, և ցանկացած վաղաժամ հայտարարություն կարող է վնասել թե՛ կուսակցության, թե՛ անձամբ Վարդան Ղուկասյանի դիրքորոշմանը։
Ներկայումս մենք ականատես ենք լինում նաև այնպիսի երևույթի, երբ նախկին որոշ անդամներ, կուսակցության ներսում իրենց ունեցած ձախողումներից ելնելով, անցել են լրատվական դաշտ՝ փորձելով ներսից վնասել ԴՕԿ կուսակցությանը։ Նրանք կարծում են, թե այսպես կարող են ինչ-որ բան փոխել, սակայն իրականությունն այլ է։
«Դադարեք, մինչև ես գամ»։
Վարդան Ղուկասյանը սա ասաց, որովհետև ինքը վստահ է, որ ճիշտ պահին ճիշտ որոշումներ են կայացվելու։
Բոլոր նրանք, ովքեր հարցնում են, թե ինչպես կարելի է աջակցել ԴՕԿ կուսակցությանը, մենք հստակ ասում ենք՝ եթե իսկապես աջակցում եք, ապա աջակցեք։ Խոսքը ոչ թե դատարկ խոստումների կամ դրսից դիտողի կեցվածքի մասին է, այլ իրական աջակցության, որը նշանակում է չտրվել մանիպուլյացիաներին, չհավատալ կեղծ լուրերին և սպասել պաշտոնական հայտարարություններին։
«Դադարեք, մինչև ես գամ»։
Վարդան Ղուկասյանը սա ասաց, որովհետև ցանկացած անկազմակերպ քայլ կարող է թուլացնել մեր պայքարը։
Պառակտումը վնասում է ոչ միայն կուսակցությանը, այլև հենց Վարդան Ղուկասյանին։ Ուստի բոլոր կոչերը, բոլոր հարցերը պետք է միանշանակ ուղղվեն ճիշտ հասցեով։
«Դադարեք, մինչև ես գամ»։
Վարդան Ղուկասյանը սա ասաց, որովհետև մեր առաջնահերթությունն է գործել հստակ և առանց շտապողականության։
Մենք մնում ենք հաստատակամ մեր դիրքերում և շարունակելու ենք մեր աշխատանքը՝ առաջնորդվելով կուսակցության ծրագրերով և առաջնորդի հստակ ցուցումներով!
Մենք նաև խորին շնորհակալություն ենք հայտնում բոլոր այն մարդկանց, ովքեր անկեղծորեն աջակցել են մեզ և իրենց ներդրումն են ունեցել այս կարևոր գործում։ Ձեր աջակցությունն ուժ է տալիս մեզ՝ շարունակելու պայքարն ու հաղթահարելու առաջացած խոչընդոտները։
«Դադարեք, մինչև ես գամ»։
Վարդան Ղուկասյանը սա ասաց, որովհետև մեզանից պահանջվում է համբերություն, կազմակերպվածություն և միասնականություն։
Ինչ վերաբերում է ԴՕԿ կուսակցության նախագահ Անուշ Խուդավերդյանին, մենք հույս ունենք, որ բոլոր անհասկացողությունները և հարցերը, որոնք առաջացել են այս ընթացքում, կգտնեն իրենց լուծումը։ Յուրաքանչյուր մարդ ունի իր պարզաբանումները, և մենք վստահ ենք, որ բոլոր խնդիրները կլուծվեն ճիշտ ճանապարհով՝ ի նպաստ մեր ընդհանուր նպատակների։
Մենք հաստատակամ ենք մեր դիրքերում, շարունակում ենք գործել և միշտ առաջնորդվելու ենք ճշմարտությամբ ու միասնականությամբ!
Հարգանքով,
ԴՕԿ կուսակցության լրատվական
