Օրերս «Իրազեկ քաղաքացիների միավորում» հասարակական կազմակերպության աղմկահարույց հրապարակում էր կատարել: Թվով 114 ձայնագրություններ վկայում էին այն մասին, որ նույնքան դպրոցների ու մանկապարտեզների տնօրեններ զբաղված են եղել Հայաստանի հանրապետական կուսակցության համար ցուցակներ կազմելով:
Կոնգրես-ՀԺԿ դաշինքի ներկայացուցիչ Նարեկ Սարգսյանի կարծիքով՝ ցանկացած ազատ հասարակության մեջ ՀՀԿ-ի ռեյտինգը կհավասարվեր 0-ի.
«Սա աննախադեպ բան է, խայտառակության գագաթնակետը: Միջազգային սկանդալ կլիներ ու սրա մասին կխոսեր ողջ մոլորակը: Ուզում եմ հարցնել՝ ԿԳ նախարարը հրաժարական տվել է, թե՞ ոչ: ՀՅԴ-ն ու ՀՀԿ-ն այս սկանդալից հետո պետք է դուրս գային ընտրապայքարից»,-լրագրողների հետ զրույցում ասաց Նարեկ Սարգսյանը:
