Հայտնի հաղորդավար, շոումեն Միխայիլ Գալուստյանը դիմել է Ռուսաստանի Դաշնային հակամենաշնորհային ծառայության Չելյաբինսկի վարչություն` բողոքելով, որ քաղաքի խորովածանոցներից մեկի պաստառի վրա օգտագործել են իր նկարն առանց իր համաձայնության: Դերասանը պաստառին ներկայացված էր խոհարարի տեսքով ու գովազդում էր ածխի վրա պատրաստված խորոված, շաուրմա:
Պարզվել է, որ խորովածանոցի տերը հայ է եղել, ով արդեն հեռացրել է Գալուստյանի նկարով գովազդային պաստառը: Սեփականատեր Կարեն Արզաքանցյանը խոստովանել է, որ Գալուստյանին խոհարարի կերպարով իր խորովածանոցի գովազդային պաստառին է պատկերել, քանի որ նրան շատ է հարգում՝ որպես արտիստի:
«Նրան միշտ էլ հավանել եմ: Ես հայ եմ, նա հայ է: Հաճելի է գիտակցել, որ մենք այսպիսի տաղանդավոր մարդիկ ունենք: Բայց պաստառը ես արդեն հանել եմ»,-ասել է հայ գործարարը:
