Հատուկ քննչական ծառայությունում քննվող քրեական գործի շրջանակներում Երևանի ընդհանուր իրավասության դատարանի դատավոր Դավիթ Գրիգորյանի աշխատասենյակում կատարվել է խուզարկություն:
aysor.am-ն է գրում ու նշում, որ այդ մասին կայքի թղթակցի հետ զրույցում ասել է ՀՔԾ մամուլի խոսնակ Մարինա Օհանջանյանը։
«Խուզարկությունը կատրավել է քրեական գործի շրջանակներում»,-ասել է խոսնակը։
Հարցին, թե ի՞նչ քրեական գործ է, Մարինա Օհանջանյանը հրաժարվել է պատասխանել՝ նշելով, որ ավելի մանրամասն քրեական գործի վերաբերյալ կհայտնեն ուշ։
