ԱԱԾ պետի նախկին տեղակալ Գուրգեն Եղիազարյանի կարծիքով՝ 25 տարի անկախ Հայաստանում ոչինչ էլ չի փոխվել.
«Մենք դուրս չենք եկել կլանային անխիղճ, անողոք մեքենայից: Բերեմ չինացի Յունի օրինակը: Նա ասում էր՝ «Եթե անգամ իմ հարազատը կփորձի կաշառք վերցնել, կգնդակահարեմ»: Այդպես էլ արեց.առաջինը պատժեց սեփական քեռուն: Իսկ մենք դոփում ենք տեղում, և մեր հայրենակիցները սահմանն անցնում են իրար հրելով: Ի՞նչ է՝ ապահով, հանգիստ Հայաստանի՞ց են փախչում: Սովից են փախչում: Սրանք էլ պետք է կանչեն իրենց ազգ ու տակին և ասեն՝ սիրելի ազգ ու տակ, ինչքան լափել եք, հերիք է՝ բերաններդ սրբեք, բավակա՛ն է: Մարդ եք չէ՞ դուք, հո լրիվ անասուն չե՞ք, մեղք է այս ժողովուրդը»,-լրագրողների հետ հանդիպման ժամանակ ասաց Գուրգեն Եղիազարյանը:
Անի Կարապետյան
