Իրանի վրա հարձակման դեպքում Հայաստանը վտանգի առաջ է կանգնում, քանի որ տարածաշրջանը կհայտնվի արևմտյան-իսրայելական հեգեմոնիայի տակ, ասում է քաղաքագետ Արթուր Խաչիկյանը։
Նա հայտարարեց, որ, ըստ եկող տեղեկությունների, ԱՄՆ-ն որոշ զորքեր է տեղափոխում տարածաշրջան։ «Սա մեծ վտանգ կստեղծի Հայաստանի համար, քանի որ Իրանի պարտությունը կամ Իրանի հետ պատերազմը կստեղծի մի իրավիճակ, երբ մեր հակառակորդները կարող են դիմել ուժային լուծման Սյունիքում»,- ասաց նա Երևանում «Արևելք-Արևմուտք առճակատում, ուկրաինական հարթություն. ապագայի սցենարներ» համաժողովում։
